قررت أبقى فرحانة

عارفة كويس ان فيه حاجات غلسة مقررة إنها تقتحم حياتى..بس برضه عارفة انى مقررة أكون فرحانة

بجد أول مرة أعرف إن الفرح بيكون بقرار ، والزعل بيكون بقرار، والحب برضه بقرار وكلللللللللللللللللللللل المشاعر الإنسانية بقرار

لأ ، أنا ما اتحولتش لآلة ، بس اكتشفت ان مفيش حاجة تستاهل إنى أزعل لحظة واحدة علشانها ، ممكن أزعل شوية مش قوى ، كمان اكتشفت انى مش عارفه حياتى هتخلص امتى، مش عاوزة أخلصها وأنا زعلانة، عاوزة أخلصها بفرحة كبيرة قوى ، حتى لو مفيش فرح هأخلقه

آه فرحانة بجد.. على طول بيضحك ، بيضحك كتير قوى ، بأبقى متنرفزة وأبص له ألاقى نفسى بأضحك بجد

بيقولى دايما "الحياة حلوة" ويضحك بعدها.. الحياة فعلا حلوة

ميرسيه :)