ألاؤونا ألادوي ألا تري ألا المستثمر يكسبby rasha ()لم أمنع نفسى من أن أتقيأ وأنا أقرأخبر إهداء الجنسية المصرية للمستثمرين اﻷجانب كلا على حجم أمواله أو إستثماراته مش عارفه بجد أعمل أيه.. أقول عوضنا على الله وخلاص، الحكومة عندنا بقت جبله ومفيش حاجه بتحوق فيها ماهو إذا غضب ربنا على قوم ارسل عليهم آل مبارك وحكومته اللى عمرها ماتغيرت المهم الخبر .. إن ولى العهد "جمال مبارك" ولجنة السياسات بيمرروا القانون ده ضمن مجموعة أخرى من القوانين ، والقانون ده بيهدى الجنسية المصرية للمستثمرين اﻷجانب اللى إستثمارتهم تصل ل3مليون دوﻻر ، و2مليون فى المدن الجديدة و 1مليون المناطق النائية.. وﻻ نستثنى منهم أحد من المستثمرين طبعا( يعنى مستثمر سعودى أمريكى ..( وتحديدا إسرائيلى .. ماهو الباشا الصغير بيفصل القوانين على مقاس أصحابه وجيراننا اللى على اليمين ، وارث المهنة ديه طبعا من أبوه أصله كان ترزى ومقدرش ينسى مهنته القديمة حتى بعد مابقى ريس وقعد يفصل دساتير وقوانين على مقاس الحيلة ..صحيح من شابه أباه فما ظلم المهم .. أنا خايفة جدا إن يحصل تضخم في الجنسية المصرية بعد ما إخواننا المستثمرين ياخدوها وبكرر تحديدا الإسرائيليين فتضطر لجنةالسياسات وولى العهد بسحب الجنسية من بقية السكان الأصليين للبلد ويهديها للمستثمرين
|
وياريت الاستثمارات دي هيستفيد منها الناس ... أبدا الاستثمارات دايما في جيوب أصحابها والناس المستفيدين أما الناس ... مش هيزيد عليهم حاجة غير الغلب والغلا وتحكم الاجانب فيهم
تحياتي
http://enbee-world.blogspot.com/
طب ح يسحبوا مننا احنا الجنسية امتى؟
ويا ترى الكحيانين امثالنا لما يسحبوا منهم الجنسية، ح يستبدلوها بجنسية تانية وللا ح يسيبونا في الشارع؟
ويا ترى الجنسية التانية ح تبقى ايه؟ موزنبيقي؟
حيسحبوا مننا الجنسية المصرية ويدونا الجنسية الكحيانة
هو الكومينت بتاعي بيتأخر كده ليه هو انتي بتعملي رقابة ولا ايه
اوعي كده ازعل
بركاتي
ياه هوه فيه كده كل ده عشان تردي بس بعد ايه انا فلوسي كلها خلصت المرة الجايه بقه
بركاتي
ايه الحقد الدفين ده كل ده عشان غلبانة و متقدريش على المشاريع على العموم ممكن اسلفك عشان ماتتعبيش نفسك مع الناس دول وياريت تسيبي كل واحد يشوف حاله ويشغل نفسه
بركاتي
رشا، لو الخبر ده صحيح يبقى خبر جيد!
انا شخصياً كان نفسي ايام سقوط الأتحاد السوفيتي يجيبوا عشرة الاف عالم روسي يدولهم الجنسية المصرية زي ما عملت الأرجنتين يساعدوا على تطوير البلد. على الأقل يسدوا العجز عندنا في مدرسين الرياضيات والفيزياء.
انتي طبعاً عارفة ان كل الدول المتقدمة بتعمل نفس الشيء؛ كندا بتعمل كدة من زمان وبمبالغ اقل، اميريكا من كام سنة أبتدت تعمل نفس الكلام. ليه؟
لأن المستثمر اللي بيجي مصر ولو حصل على الجنسية المصرية هيشتري فيلا بدل ما يأجر شقة مفروشة، يعنى هيشغل المهندس والعمال اللي هيبنوا الفيلا، هيفتح مصنع او فندق، وبالتالي هيفتح بيوت مصريين كثير. ممكن تقولي انه ممكن يعمل الحاجات دي من غير الجنسية، هأقولك صح بس لو معاه الجنسية هيحس بالأستقرار اكتر ويستثمر اكثر. ومتخافيش، الأمريكان والأسرائيلين مش مستانيين الجنسية المصرية اللي تمنها 3مليون دولار، وبعدين انتي ناسية ان شبرا لوحدها 6 مليون، يعني أكبر من أسرائيل بكل سكانها من العرب واليهود!!
:)
نهضة مصر