| الحجاب والمترو ورمضان
by rasha ()
لم يخل طريقي إلى مترو الأنفاق بعد الإفطار من سخافات العديد من الأشخاص طبعا لعدم إرتدائي الحجاب وإحنا في رمضان والدنيا صيام ومينفعش لبس النص كم والشعر المكشوف.المهم تخلصت من تلك السخافات وأنا في محطة المترو وأمام عربة السيدات وجدت إمرأة ترتدي جلباب أسود وحجاب وإمرأة أخرى بدون غطاء شعر ويبدو على وجهها الضيق ,إقتربت مني وركبنا المترو وتحدثت إلي ,فكشف كلامها عن سبب ضيقها......
أنا كنت النهاردة في السنترال ولقيت واحدة بتزعق وبتقول النصارى دول معندهمش دين رحت ضرباها ومتخانقه معاها والناس إتدخلت بينا.داهما اللي معندهمش دين دا ديننا هو اللي جاب دينهم.كل واحدة منهم لابسة قماشة سودا من أولها لأخرها ومغطية وشها تيجي تشيل البتاعة من على وشها تلاقي أشكال تسد النفس....ويلبسوا العيال الصغيره من أولها لأخرها القماش اللي بيبلبسوه دا ,تبقى الواحدة مكملتش 6 سنين ويعملوا فيها كده ...بيعقدوا العيال ويقولوا عشان تبقى متدينة .أنا نفسي بس يا أختي واحده منهم تقولي إيه رمضان لو واحده فيهم مسلمه وعارفه الدين بجد تقولي يعني إيه رمضان اللي فاكرين إنهم بيبطلوا أكل بس ومايعرفوش يبطلوا قلة أدب وطولة لسان.أنا نازلة المحطة دي بأه مع السلامه.....ونزلت فعلا من عربة المترو وبقيت انا أتذكر ما قالته لي وإعتقادها بأني مسيحيه لأني لم أرتد حجاب.لم أخبرها طوال حديثها بأني لست مسيحيه فقد أستوعبت غضبها المبرر وأدركت ماكانت تقوله وتعنيه.وتذكرت مواقف عديدة في تلك العربه منها توزيع كتب دينيه وأذكار ومصاحف على من يرتدين الحجاب فقط ,ويقوم بعملية البيع أشخاص مختلفين الأعمار من سبع سنوات الى الـ50 او 60 عاما بنفس المنطق .وكأن الإسلام حكرا على مرتديات الحجاب.وكيف إنتشرت تلك الثقافة بين مختلف الأعمار والأشخاص ,وكيف إنتقلت تلك الثقافة لغير المسلمين أيضا فأصبحت من ترتدي الحجاب مسلمة ومن لم ترتديه مسيحيه .وفي رحلة العودة بالمترو أيضا وفي نفس عربة السيدات,نشب عراك شديد جدا بين إمرأة في الخمسين من عمرها وإبنتيها في العشرينات وبين فتاتين في نفس عمرهما على مقاعد الجلوس وجميعهن مرتديات الحجاب .وتطورت المشاجرة بشكل سريع جدا من أفظع الألفاظ التي يتداولوها من شـرمو** و متنـا***إلى الضرب بالشلوت والشباشب ورمي الأحجبه على الأرض ,ومالفت نظري في تلك المشاجرة ثقافة الحوار المتبادل بينهن حيث قالت المرأة الكبيرة: ربنا يقدرني وأخلي إبني ميت فل عليه بيعرف يضايق البنات هخليه ينيـ****واحدى ابنتيها بأن الام محامية فأكملت الأم اه محامية وربنا يقدرني إن شاء الله وألفق لكم قضية سرقة ألف جنيه وأوديكم في داهية.وأستخدمت كلمة ربنا يقدرني قبل كل مصيبة تود أن تقوم بها من باب العادة دون أي إدراك لمعنى الكلمة .المهم...نزلت من المترو وتذكرت المرأة المسيحيه وحديثها وتأكدت أن معظم المحجبات لابس الحجاب قوي (على دماغهم) من غير ما يفهموا!!
|
first of all :
Al Salamo Alaikom, i just wanted to say : For the Love of God stop it !! no matter what the post is..you will always find people fightin...!!
Hijab or whatever..its up to you.
Stop looking at the Half-Empty-Glass !
Unity starts with YOU !!
many times through the history a ONE man made a change.
May god help the people of Egypt.
يمكن تلخيص رأيي في الموضوع في النقاط التاليـة :
المعاكسـة في الطريق الى المترو : لا أعتقد أنه يوجد مبرر واحد لأي شخص لمعاكسة أى انسانة في أي مكان ، مع وجود عوامل عدة لتبشيع هذا الفعل ، أهمها زمانه في رمضان شهر العبادة و التقرب الى الله ، و مكانه في الطريق العام حيث أمرنا باعطاء الطريق حقه من غض البصر و اللسان.
الوقوف في محطة المترو : لم أفهم موضوع المرأة المرتدية الجلباب الأسود و الحجاب ، ما هو محلها من الاعراب ، هل كانت المحطة خالية الا من ثلاثتكم ؟ ، هل لاضفاء الطابع السردي على الموضوع ؟ و لماذا وصف ملابسها ؟
الخناقة في السنترال : خناقة بين سيدتين في مكان مزدحم ، طابور أو غرفة في مصلحة ، احداهما شتمت و الأخرى ضربت ، لي هنا عدة تعليقات :
الحديث المتعاطف مع السيدة في المترو : خناقة مع مسلمة أدت الى وصف كل المسلمات المحجبات بأنهن قبيحات ؟؟؟ و هنا توجد كل أنواع التعميم في اضافة كل أنواع المساوئ على أتباع الدين الآخر ، و أعتقد أن هذا يحدث أحيانا من المسلمين تجاه الإخوة المسيحيين. أعتقد أن هذا الاحتقان هو المشكلة الأساسية التي تكشفها قصة السيدة رشـا و ليس موضوع الحجاب. و لا أعرف حلا سريعا لهذه المشكلة. و ان كان يبدو أنها تتفاقم سنة بعد أخرى.
خناقة أخرى في طريق العودة : ألاحظ هنا أن مسببات الخناقة و المفردات المستخدمة لا علاقة لها بالحجاب ، و طبعا و لا بالاسلام ، و لكن لها علاقة بالتدني الذي أصاب المجتمع المصري بكافة أطيافه كل على حسب مستواه مثلا أم كلثوم و عبد الحليم أصبحا نجلاء و شعبان ، المعاكسات أصبحت تحرشا ، المشادات أصبحت مشاجرات ، السب ب حيوان في المشاجرات أصبحت كما تعرفون جميعا ، التهديدات بالويل و الثبور و عظائم الأمور عند الغضب أصبحت استخداما للمطاوي و السنج ، العصابات التي تعمل في الظلام و تخاف من الشاويش أصبحت لا ترتدع الا بالحملات الأمنية المكثفة ، معارضة الحاكم بالفكر و المنطق و البينة أصبحت بطول اللسان و قلة الأدب حتى اختفت الحجة ، و آخرها الاجتهاد برأي في الدين تحول الى التطاول على الدين نفسه ، طبعا لكل ما سبق استثناءات و لكني أرصد للتغير في عمومه.
كلمة أخيرة : رشـا لها كل الحرية في لبس الحجاب أو تركه ، حسابها عند الله ، الحجاب فرض على المسلمة البالغة ، و لكن الحساب و الرقابة عند الله و من الله ، و لكن يبدو أن رشا تعرضت للعديد من المضايقات و التدخلات و المعاكسات التي فسرتها على أنها موجهة لتركها الحجاب مما أدى لتبنيها موقفا دفاعيا أرجو منها ألا تتزيد فيه ، فترك الحجاب خير من انكار فرضه ، تماما كالصلاة. كما أذكرها أن كلمة معظم مثلها في التعميم مثل كل و كان من الأفضل أن تقول بعض حتى توصل فكرتها دون استثارة مواقف دفاعية لا داعي لها أخرجت الحديث من سياقه و أنستنا المشكلة الأصلية.
شكرا لصبركم على قراءة رأيي ، و هو خطأ يحتمل الصواب.
انا مسلم ولكني ممتعض من المناظر التي حصلت في مصر مؤخراً امشي جنب اي مدرسة أبتدائي وشوفي الأطفال الصغيرين عمرهم لايزيد عن 7 سنين ومعظمهم محجبات!!!اي دين ده اللي يسمح بكده؟ انا متأكد انه ايام الرسول، الأطفال لم يكونوا محجبات! ده حتى في السعودية، البنات أقل من 12 سنة لسن محجبات! يرضي مين ده؟؟؟؟
د. أحمد عزب
سؤالك دزأحمد في غير محله فالدين لم يأمر بحجاب من لم تبلغ بعد.
و لو أن أولاياء أمور من أمهات و أباء فعلوا هذا ببنات في سن السابعه و الثامنه فهذا خطأ منهم و ليس للدين علاقه بمن يخطئ.
فليس من يشرب الخمر وهو مسلم يكون الدين هو من أمره بشرب الخمر و التفريط كالإفراض كلاهما خطأ
فلا تظلموا دين الله
للتوضيح فقط.......أنا من الناس الموافقة على الحجاب بس فى الأول و الأخر ده حرية شخصية.....و الردالسابق مجرد توضيح للناس اللى بتقول أن فيه أجماع من علماء الأمة
صحيح المسلمين مش هيرتاحوا إلا لما يبقوا لوبى زى اللوبى اليهودى
لازم نفهم أن الأختلاف فى الرأى مش معناه أننا ننفى الأخر أو نتهمه بالفسق و الرذيلة .
صحيح فى خلافات مع رشا فى التعميم أو فرض تعميم الأغلبية المحجبة....بس فعلا فى جزء كبير من كلامها صح.
أكتبى يا رشا و سيبك من الأرهاب الفكرى ده
اولا انت لك حق فى كل ما كتبتيه فى شأن أن ليست كل من ترتدر الحجاب تعرف قيمته وقدره وتطبيق شروطه ، ذلك لأن الأحجاب الأن لم يعد حجاب بالمعنى الدينى السليم فليست كل من ترتدى طرحه هى محجبه ، فالحجاب له شروط وشكل منها أن يغطى الجزء العلوى من جسد المرأه ، أما ما يحدث الآن فهو ان البنات ترتدى الطرحه - وهذا هو الاسم الصحيح لما ترينه الأن فى الشارع - ليقال عنها أنها محجبه حتى يسهل لها الزواج لأنه فى فتره من الفترات ويمكن أن نقول حتى الآن وجدت الفتاه أن الشاب يفضل الزواج بالمحجبه ، ثم لو أن ما ترينه فى الشوارع والتجمعات هو حجاب فستجدي أنه لا يتفق مع ما يوجد تحته من ملابس ظاهره للعين والاهم كم اللاكيه والدوكو فى وجه من ترتدى الطرحه.
اما التعليق فهو عن كون توزيع الكتب حكرا على المحجبات ، فأنه ليس بحكر لكنه سوق بيع فالبائع يعلم أن من ترتدى الحجاب هى مسلمه أى زبونه للكتاب فليس من المنطقى أن تشتريه مسيحيه ، لكن ان طلبتى من البائع وأنت غير محجبه - ترتدى الطرحه - أن يعطيكى الكتاب فهو سيعطيه لك بكل سرور ، فلا تتسرعى فى اطلاق كلمة الحكر قبل أن تتحرى الدقه يا حاجه رشا.
أخيرا مدونتك لطيفه وزملائك لطيفه لكن لماذا تكرار بعض الالفاظ الجارحه حتى ولو كانت ردت فى مظاهرة الجياع نعم هى مدونتك وتخصك وزملائك لكن أليس من الأفضل أن نشير إليها مثلما فعل زميل لكم ، فأنتم تنشرون عن ما حدث- وهو كارثه - فماذا سيضف إليه ذكر الألفاظ النابيه ، فأنت بذلك- مع إحترامى - فعلت مثلما فعل هؤلاء الشباب الضائع ، هم خدشوا عورات بناتنا ,انت خدشت حيائنا بذكر تلك الألفاظ ، لقد عودتنى الأايام وعملى ألا أفعل أو أكتب إلا ما يؤدى إلى نتيجه ولو بعد حين - فهل تخبرينى ماذا أضاف ذكركم لهذه الألفاظ للموضوع وما الغرض من ذكرها وما توصل اليه؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!
كل سنه وانتم طيبون وربنا يقينى و يقيكم حكومة رابسو قصدى نظيف.
السلام عليكم
ا جماعة مش معنى أن واحدة لابسة حجاب وبايظة أن كل اللي لابسين حجاب بايظين ولو في ناس منهم مش كويسة مش معني كدة ان العيب في الحجاب انما العيبفي الشخص نفسه
و يا رشا مش معني ان اتنين اخلاقهم فاسدة اتخانقو بالطريقة الزبالة دي ان كل المحجبات كدة .... طب ما هو في برضه مش محجبات و بيعملو كدة و أكتر
أنا عاوز أقول ان المظهر حاجة و الجوهر حاجة.. انت اكيد عندك صحاب محجبات و عارفة انهم محترمين وأهاليهم ناس محترمة و الا ماكنتيش صاحبتيهم.....
دي حاجة..... الحاجة التانية يا رشا أن الحجاب دة مش موضة أو تقليعة ... الحجاب فرض ربنا فرضه علي نساء المسلمين و ادلة فرضيتة واضحة و صريحة في القران و أحاديث الرسول.
في الآية: 59 من سورة الأحزاب - في قوله تعالى : ( يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفوراً رحيماً )
في آيتي سورة النور :
قال الله تعالى : ( قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون . وقل للمؤمنات يغضضن من أبصارهن ويحفظن فروجهن ولا يبدن زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعاً أيها المؤمنون لعلكم تفلحون ) - النور: 30/31 - .
http://www.khayma.com/ftat/SH/adelah.HTM
و ربنا يرزقنا الهداية أجمعين
عزيزتي رشا .. في كلام كتير من اللى انتى قلتيه حقيقي لأن للأسف مجتمعنا بيعيش فى ازدواجية حقيقية ، وليس شرطاً أن الحجاب يدل على أخلاق البنت بالذات اليومين دول ، وباردوا منقدرش أن احنا نحكم على بنت لابسة كات أو ميكرو أنها بنت مش كويسة ، وفى الآخر دي حرية شخصية اللي عايزة تلبس تلبس واللى عايزة تقلع تقلع ، وربنا فى الآخر هو اللى بيحاسب
الليدي لولو
الاخت العزيزة ليس كل من ترتدي الحجاب ملاكا وليس كل من لم ترتديه ملاكا ايضا
ولكن الفكره كيف انه نحترم انفسنا ونحترم الاخرين فالدين معامله ولافرق بين عربى ولا اعجمي الا بالتقوى
وانا شخص مسيحى ولكن اعرف مسلمات محجبات فى قمه الادب واعرف ان المسيحيات فى قمه الادب ولكن لكل قاعده شواذ فليس كل المحجبات محترمات وليس كل المسيحيات محترمات وليس كل المسلمات محجبات فغير المحجبات منهم اناس محترمين جدا
لذا فلا يحكم احد على المظهر فقط فالحكم على قلب الانسان اى ما بداخله وتعرف ذلك عندما تعيش مع هذا الانسان وتعاشره او ان تتكلم معه فتعرفه وتعرف ما بداخله
وشكرا
I think what she's was trying to say, and what I myself also believ in, is that veil is not something you wear to cover your hair so that nobody -in our sick superficial and obsessed society- would attack her and accuse her of being so and so...
When a veiled girl starts insulting people and acting in such manner then she might as well also take her veil off because it did her no good. If islam is as simple as women covering their hair and men growing their beards then its a shame cause Islam is much bigger than that and is not also restricted in these superficial notions.
If a girl chooses to wear a veil she better do it based on her own believes and not because she's afraid of the look of the society to her, and when she does she must understand the moral obligation on her that if she has chosen to do one of the heaviest tasks on a muslim woman then she aslo has to abide by the smaller laws in islam that prohibits her from cursing and shouting and attacking other people's religions.
الأخ المحهول بتاع فكر يا مؤمن: والله انت شكلك كدة الوحيد اللي بتفكر في التعليقات دي!! انا متفق معاك تماما..نحن نعاني من الانزواء المفرط في زاوية الدفاع عن النفس.. نحن علي طول تحت الحصار ومهاجمين متآمر علينا.. إذا قامت رشا بسرد قصة رأتها بأم عينها في أم الشارع المصري أصبحت فاسقة فاجرة متبجحة.. يعني هي اللي كاتبة المدونة دي متآمرة هي كمان؟ أم انها ستنتقص من الدين شيئا؟ إذا كان الشخص مؤمن ومتمسك بدينه فلن ينتقص من دينه أي حد... لماذا كل هذا التشنج لمجرد ذكر ان تلك الأفعال السودا قد أتت بها نساء محجبات؟ هل تخافون ألا تتحجب البنتين والا التلاتة اللي لسة ماتحجبوش في مصر؟
وبعدين ارحمونا بقي من حكاية الشعر والكم الطويل واللا القصير والكلام دة.. ايه يا جدعان هو احنا ما ورناش شغلانة غير نبص البنات لابسة ايه؟ حرام عليكو بقي... ولاد الهرمة اللي حاكمينها سارقينا وناهبينها وجايبين عاليها واطيها ومعيشينا في فقر وجهل ومرض واحنا كل اللي فالحين فيه عاملين فيها شيوخ وبندي بعض في مواعظ! يا فرحة مبارك بشعبة الأهبل! هيص يا عم... احنا حنقعد هنا نتكلم عن عورة المرأة.. وانت طلع عين اللي خلفونا براحتك..
حاجة تقرف
واحد زهق
رشااااااااااااااا ازيك ؟؟ تعرفي اني اول مرة اعرف انك عندك بلوج .. علي فكرة البلوج لطيف قوي :) .. اما بقي عن الموضوع فانا فهمت قصدك ز المزضزع واضح و حتي الناس اللي جيين يتفلسفو دوول بيتكلمو كده لانهم حافظيين مش فاهمين ... علي فكرة أنا عمر
http://x-ist.blogspot.com
http://caesar-diablo.shadowness.com
الحمد لله انا مش مسموح لينا بركوب عربة السيدات
اذا لم تستحي فافعل ما شئت
اية الفكرة الشيطانية اللي حضرتك عايزة توصليها للسذج امثالنا
؟؟؟؟؟؟؟؟؟؟؟؟؟
فهمنا انك سبور ومتحضرة ومتمدنة ولا تلبسي حجاب ولا غطاء شعر وغير مؤمنة بيهم
وان المحجبات احقر واضل خلق الله
اوكي فهمنا معاليكي
الافضل كنتي خلي المعرفة الجامدة اوي دي لنفسك عشان حقدك وحسدك للفتيات المحجبات باين اوي وسط كلامك
وياي الست المسيحية افتكرتك زيها عشان انتي شيك وسبور وصدرك باين للشعب الغلبان
وانتي فرحتي اوي صح
؟؟؟؟؟؟
ممكن تحولي مسار للمسيحية غير ماسوف عليكي
عشان تاخدي السكة من فصيره وتسيبي الدين المتخلف بتاع القماش والعقد لاصحابة
كلمة اخيرة حرقاني اوي من اللي زيك
والله متم نوره ولو كره الكافرون
يعني موتي بغيظك كدة وانكادي وانغلي في نفسك وانحري في قلبك
البنات اللي بيلبسوا قماش بيزيدو والتدين في زيادة والنقاب هيعم مصر باذن الله
وخليكي انتي بقلبك المغلول
كان نفسي اطلعلك لساني (كحركة اغيظك)لكن مش عارف
Well, excuse me but I think its you who is jelous because she had the courage to defy the rotten look of the community and chose not to veil herself and instead behave like a decent human being.
I'm really stunt you think of yourself as a muslim while at the same time accuse others of not being muslims "eltakfeer" which is the worst thing any muslim could do, thats if you DO understand Islam. and I doubt it.
I don't think that such a small story deserves such an attack. and if anybody thinks that the meaning of the story is that veiled women are bad then you have successfully been brainwashed by amr khaled and the such "superstars" of the new islamic TV.
What you need to understand is that what veiled women do by abusing their veil is what promotes the bad idea about muslims to everybody else. Its just like a bearded sheikh who sleeps with other women, its really not that different.
As I said before, if you chose to veil, or to grow a beard or do whatever you can to tell everybody that you are a muslim then you better truly understand the true essence of Islam and start acting responsibly instead of attacking everybody right and left and accusing everybody else of not being muslims themselves when god says only good knows whats happening inside everyone and you go on judging by their looks...
الإسلام سهل الفهم والقبول والإتباع،لأنه منطقى تماما، ومقنع، وشامل وشارح لكل الأمور الحياتية التى تبنى شعورا بالهدوء،والرضا والقناعة لحياة دنيوية ومكافأة ووعد بالجنة فى الحياة الآخرة.
ومن العجب أنه بنظرة فاحصة لتعاليم الإسلام، سوف تجد أن كل ما يدعوك إليه هو فعلا مفيد لك،
وكل ما ينبهك إلى تركه،هو بالفعل ضارا لك.
أساسيات الإسلام..:1
شهادة أن لا إله إلا الله، وأن محمدا رسول الل ..:
إقامة الصلاة
إيتاء الذكاة
صوم رمضان
وحج البيت لمن إستطاع إليه سبيلا.
-------------
ثم المعاملات..:2
وهي واجبات دينية وجبت علينا أمام الله والناس تصلح بها حياتنا الدنيوية ،وتزكينا عند إنتقالنا للحياة الآخرة
وهى التطبيق العملى للتعاليم الإسلامية،وكيفية التعامل مع غيرنا ومع أنفسنا. ولا يستكمل إيماننا بدونها
وانظر...ستجد كل تلك المعاملات والتطبيقات لتعاليم الإسلام، عبارة عن قواعد بسيطة
ومنطقية وواضحة وجميعها من أسس الإيمان
-لا يؤمن أحدكم حتى يحب لأخيه ما يحب لنفسه.
-المسلم من سلم الناس من لسانه ويده
-عامل الناس كما تحب أن يعاملوك
-من يعمل مثقال ذرة خيرا يره،ومن يعمل مثقال ذرة شرا يره
وما هو الخير؟؟(،هو ما يفعله الغير أو يقوله لك لا يغضب الله وترتاح اليه وتتقبله بسعادة ورضاء)
إيماطة الاذي عن الطريق ....من الايمان
إحترام الوالدين والعناية بهما والدعاء لهما بالخير لهو من الإيمان
-إن الله يحب إذا عمل أحدكم عملا أن يتقنه ويؤديه بأمانه وإخلاص
-النظافة من الإيمان، فى نفسك فى بيتك، فى شارعك،وفى بيئتك
الحب والإعتزاز والتفكير فى هموم وطنك ومحاولة رفعته لهو من الإيمان
-إفشاء السلام ورد التحية بأحسن منها لهو من الإيمان
-التهذيب والأدب في لتعامل مع الآخرين...من الإيمان
-خفض الصوت والدماثة عند الحديث والمناقشة....من الإيمان
-غض البصر وعدم التحرش أو معاكسة الجنس الآخر....من الإيمان
-زيارة المرضي...من الإيمان
-تشييع الميت إلى القبر....من الإيمان
-إحترام خصوصيات الغير وعدم إفشاء أسرارهم وتجنب الغيبة والنميمة...من الإيمان
-الرفق بالحيوان...من الإيمان
-إيقاف الإشاعات والأكاذيب. وعدم نشر كل ما تسمع
قبل أن تتأكد مما سمعت ...من الإيمان
فلربما يكون الخبر كاذب أو مدسوس،،"يا أيها الذين آمنوا إن جاءكم فاسق بنبإ فتبينوا أن تصيبوا قوما بجهالة فتصبحوا علي ما فعلتم نادمين،،"
-إذا ما رأيت خطأ ما ونصحت بوقفه...من الإيمان
النصيحة النصوحة لمن يطلبها ....من الايمان
الصدق في الحديث،وايفاء الوعد ورد الامانة...من الايمان
رعاية الاسرة والأبناء وتربيتهم التربية الصالحة....من الايمان
تعامل الزوجان معا بكل احترام ومودة وحب وعطف وتعاون ورعاية
...من الايمان
وأحب أن أضيف هنا نقطة هامة..وهي..
أن الاسلام لم ينتشر بالسيف أو بالاجبار أو التهديد وفي القرآن الكريم
ما يثبت ذلك
لا إكراه في الدين-قد تبين الرشد من الغي" البقرة256/2
"أفانت تكره الناس حتي يكونوا مؤمنين؟ يونس99/10
فذكر،إنما أنت مذكر لست عليهم بمسيطر"الغاشية22/88"
بمعني أنه لا يجب أن تسيطر أو تحكم أو تتحكم باسم الدين، تهدد وترهب وتكفّر الاخرين ،
ما عليك فقط إلا أن تبين تذكر وترشد وتنذر،فمن شاء فليؤمن ومن شاء فليكفر..وهنا تكمن عظمة الاسلام...فالله غني عن العالمين
ما علي الرسول الا البلاغ" المائدة 99
وما نرسل المرسلين الا مبشرين ومنذرين الكهف 56/18
يا ايها النبي انا ارسلناك شاهدا ومبشرا ونذيرا" الاحزاب 45/33
ادعو الي سبيل ربك بالحكمة والموعظة الحسنة
وجادلهم بالتي هي احسن"النحل 125
وكما ترون لو أننا اتبعنا هذه المعاملات الواضحة في حياتنا ،لن نحتاج الي ذلك الطوفان من الكتب الصفراء التي عفي عليها الزمن ولا نصغي إلي تلك الفضائيات المتضاربة المتسابقة في تضليننا وتعكير صفو حياتنا و لتقبلنا الله قبولا حسنا مؤمنين متقين، وسنكون مثالا طيبا أمام العالم يحترموننا وربما يتبعوننا .
هذه هي تعاليم الاسلام الاساسية... وما عداها فهو ليس بالجوهر الهام،
و ليس بدونه سوف ينتقص ديننا، والذي لا يجب أن نتشاجر ونجادل ونضيع وقتنا ونحرق أعصابنا حوله.وعلينا بعد ذلك ان نتفرع لاعمالنا نزرع ونصنع ونبني وندرس ونبحث ونتعلم ممن تقدم عنا...
فنحن دون خلق الله نعتمد علي الغير في كل متطلباتنا الحياتيةمن مأكل ومشرب وعلاج ونقل واتصالات وخلافه،يعني لو قاطعنا الغير سنموت حتما في سنة أو بضع سنين!!!!
وندعو الله ان يعيننا ويوفق خطانا
يا عم انت بتتكلم فى ايه
واضح على فكرة انها مش بتناقش فى الحجاب من عدمه
ولا بتهاجم الاسلام والحجاب والتدين
هى الصراحة بتهاجم امثالك
اللى هم واخدين الدين خناقة وتطليع لسان
ومعتقدين ان بمجرد ما النقاب هيعم مصر على حد قولك يبقى كده خلاص بقينا متدينين
بتهاجم المنشور اللى مالى البلد اللى مكتوب فيه حجابى طريقى الى الجنة اللى وصل البنات انها تتحجب وبعد كدة تعمل اللى هى عايزاه
ووصل 4 محجبات انهم يكونوا بالانحطاط ده وبرضه معتقدين انهم متدينين
قبل ما العقد النفسية تشتغل احب اوضح انى مسلم مقتنع تماما بفرضية الحجاب ومقتنع كمان ان السعودية مثلا ليست أكثر تدينا منا مع خالص تقديرى لأهل الحجاز
كلمة أخيرة: لما تكون هى بتحكى موقف حصل من غير ما تشتم حد وانت تيجى بهجومك ده وتحط آية قرآنية فى وسط كلامك ده تبقى بتسىء للدين اللى انت منتمى ليه
فعلا أي حاجة
أي حد بيقول اي حاجة ،عشان يفهم اي حد ،ان الحاجة اللي بيعملها دي او بيقولها ،هي احسن حاجة ،وان الحاجة اللي مش بيعملها دي مش هيا الحاجة الكويسة
صاحبة المدونة او المعلقة او الحاجة المكتوبة دي ،عايزة تفهمنا ان المحجبات ولاد(......) ،وان الحجاب دا منظر مش اكتر ،وان ربك رب قلوب ،وان ممكن الواحدة تنزل بالميني جيب و البادي ستومك في رمضان او حتى غير رمضان ،وتبوظ صيام ركاب الخط الاول والتاني والتالت قبل ما يتعمل ،وحتى خط مترو مصر الجديدة ،ومع كل دا مكانها محجوز في الفردوس الاعلي وهي احسن من المحجبة باسبقية الحجز
هو الواحدة بدل ما تدعي ربنا ،ان يعينها ويهديها للحجاب ،تفضل تدور على اي حجة واي مبرر تبرر بيها عدم لبسها للحجاب"مش عايز اقول تبرجها"،طب دة بأي منطق قولولوي انت يا اصحاب العقول؟؟؟
ففي شباب يادوب على ادهم في غض البصر ،بيغض بصره بالتيلة ،هينزل المترو او الكلية ،صيامه هيبوظ مش بس من البص لا من الشتايم اللي هيفضل يرددها على البت اللي بوظتله صيامه ،الله يكون في عونه
أنا الحمد الله السنة دي عندي امتحانات وقاعد في البيت كافي خيري شري"ربنا يديمها علينا نعمة" ،ويوم الامتحان غض البصر بيبقى ليه اكتر من دافع ،اولهم رمضان و تانيهم ان ربنا يكرمنا في الامتحان ،وربنا المعين
انا اول مرة اعدي على الاختراع اللي اسمه مدونات دا ،و قريت والصراحة اتغميت ،من الطريقة اللي بنشوه بيها الاخر ولو كان احسن منا ،فلو واحد اتسرقت منه جزمته في الجامع يبقى اللي بيصلوا كلهم حرامية ،ولو محجبة اتخانقت في المترو يبقى المحجبات كلهم بلطجية
وفي الاخر بقول ان اللي فاكرين نفسهم فاهمين ،هما مش فاهمين ولا حاجة ،ولو اللي لابسين حجاب مش فاهمين ،يبقى اللي مش لابسين ادني من اللي مش فاهمين
فهمتوا حاجة؟؟؟
بالمناسبة انا اول مرة استخدم الاختراع دا وبقالي ربع ساعة بدور على زرار "سيند" او ابعت او ارسل او "اي حاجة" مش لاقي
وبعدين لقيت مسألة غريبة فوق باين دي زي الورد فيرفيكاشن اللي في الميل ،انا حليتها ،صح ،مش عارف اعمل ايه تاني ،انا هدوس بريفيو وأمري لله
المجهول
فعلا أي حاجة
أي حد بيقول اي حاجة ،عشان يفهم اي حد ،ان الحاجة اللي بيعملها دي او بيقولها ،هي احسن حاجة ،وان الحاجة اللي مش بيعملها دي مش هيا الحاجة الكويسة
استنتاج رهيب بجد .... طب كويس انك فهمت كدا حاجه مشرفه وبتدل اد ايه العقل عندك شغال بدرجه عاليه جدا
انا مش حتعب نفسي بجد واعيد الكلام اللي قلته في اكتر من تعليق قبل كدا ....انت فهمت كلامي بالشكل دا يبقى دا مقدار فهمك وانا مش حعيد الكلام تاني .
بالنسبة لغض البصر والكلام دا انا مش حخش معاك في متاهات وطنطنه على الفاضي الناس في كل مكان في العالم بتلبس اللي يريحها وعمرنا ما سمعنا عن غض البصر ومش عارفه لو قسنا دولة زي السعوديه كمثال اللي المفروض فيها غض البصر والمنقبات فيها اد كداونشوف كمية الشذوذ وحوادث الاغتصاب اد ايه حنلاقي ان مافيش اي علاقه تماما ما بين غض البصر وكون المجتمع سوي او مافهوش جرائم دا طبعا ميؤديش اني عايزه اقول ان الدول اللي فيها اللبس بحريه مبيحصلش فيها كدا لا بيحصل بس انا عايزه ادلل ان موضوع الغض ومش الغض مالهوش اي علاقه .
ثانيا انا مقلتش خالص ان مضاد الحجاب هو لبس الميني جيب ودا ماوردش على لساني وكونك مش عايز تفهم دي مشكلتك الشخصيه جدا
انا عادة مش بحب اعلق على الموضوعات دى نظرا لما تحتويه على مغالطات و قلب للحقائق و تسمية الاشياء بغير اسمائها
و لكن عندى سؤال, لو انا بوزع ايات الله من القران الكريم, كيف اميز بين المسلمه و المسيحية دون الحاجة لان اسالها؟
الحجاب هو اسرع وسيلة ظاهرة استطيع الحكم بها على البنت
و مينفعش انى ادي لبنت غير محجبة القران و هى بعد كده ترجعه تانى و تقولى "ميرسى انا مسيحية" ولا انت ايه رايك؟
يعني انتي عايزه القرآن الكريم يمسكه غير المسلمين انتي عبيطه ثم يا على فكره مش عارف اسميكي ايه سيدنا عمر بن الخطاب قبل ما يعلن إسلمه لما جيه يمسك صحيفه من القرآن فرضو عليه أنه يتوضئ الأول و أنتي عادي اي حد يمسك المصفح لا يمسه الا المطهرون فهمتي ولا لسه
السلام عليكم بجد انت عاوزة ايه مش فاهم ومش فاهم الناس بتعلق على ايه بالضبط يعنى انتى شفت حاجة وبتحكيها وشفتيها من زاوية محددة فى دماغك وعلى هذا الأساس احنا مالنا
اقلك حعلق على اللى انتى حكتيه اعتقد ان اطراف قصتك والله اعلم 4
انتى (مسلمة غير محجبة)و
الأخت المسيحية(مسيحية غير محجبة)و
ونساء السنترال(مسلمة محجبة)و
نساء المترو(برده مسلمة محجبة)والأحداث
مسيحية تحكى عن مأساة شخصية مع محجبة
وانت تستمعى و يصعب عليكى الموقف
وهنا المتهم محجبة
تشاهدي موقف بايخ فى المترو و برده المتهم محجبة
و طبقا لنظرية المؤامرة اللى معششة فى رؤؤسنا اي حد هيقرا الكلام ده هيقول انك مكلكعة وبتكلمى وحش عن المحجبات عاش انت راسك بردانة
ويكون لسان الحال لمن يقرا لو انتى بتتكلمى عن الحكم على الالتزام المظهري
اولا هل الحجاب التزام يعنى حالة تعبدية بين العبد وربه لا يطلع عليه ملك فيكتبه ولا شيطان فيفسده
ولا ايه
انا بصراحة تهت مش عارف انت قصدك ايه
هل الألتزام الظاهري
هل المظهرية فى الشعب المصري
هل الحكومة اللى خلت الناس تقف فى الطابور تتخانق
ولا موضوع عربية النساء فى المترو ولو كانت عربية مختلطة كان هيبقى فيه شبلب شهم يسلك الخناقة
ولا اضطهاد المسيحين فى السنترال
ولا ايه بالظبط ارجو الرد
وابقوا تعالوا زورونا
www.latashko.blogspot.com
أولا انا بكل بساطة الموضوع واضح جدا انه عن موقف معين حصل في المترو
انا هنا مش بقول ان الحجاب دا صح او غلط مع الاحتفاظ بوجهة نظري الشخصيه فيه
انا بتكلم على سلوك مجموعه انا شايفه انها كبيرهمن المحجبات واللي حصل دا من الامثلة
انا بؤمن بالحريه في لبس او عدم لبس الحجاب ودي حاجه انا شايفه انها من حقي لكن على العكس من دا بنلاقي ان اغلبية المحجبات مجرد ما بيوشوفوا واحده مش محجبه وكل الكلام بيكون عن لبس الحجاب الخ ودا صعب انه يحصل من غير المحجبه للمحجبه
حاجة تانية أنا بدين مشاكل الحياه الكتيره جدا(بتواطىء الحكومة)
اللى خلت الناس خلقها يبقى ضيق ويبقى فيه إضطهاد للأقلية كمتنفس ليهم ، و اﻷقلية دول مش مسيحيين بس لكن كمان غير المحجبات
وانا كمان قلت ان الست المسيحيه كمان عنصرية لما جاتلها الفرصه انها تنفس عن عنصريتها دي مع واحده زيها (زي ما كانت فاكراني في الاول) طلعت دا على طول
الفكره كلها ان كل حد صاحب عقيده متحجر عليها بيكون فيه نوع من انواع العنصريه للاخر
بس انا دللت بالمحجبات لانهم مسلمات وبيمارسوا نوع من انواع العنصريه لمسلمات زيهم بس الفرق انهم مش لابسين حجاب .
مخدتوش بالكم من حاجة يا جماعة ؟ مجرد ان رشا ذكرت ان فيه محجبات ولاد ستين في سبعين وذكرت قصة تثبت ان المحجبات ناس زي الناس وعكاكين وكدة ..دخلت الناس تدافع عن الحجاب وتموت في بعض عشان كل واحد يثبت ان ما فيش علاقة ما بين المحجبات الوحشين وبين الحجاب ..ركزوا معايا كدة عشان عايز اوصل لكام نقطة ...اولا : فكرة ان الاسلام تحت الهجوم وكل شئ مؤامرة هو جزء من ضمير المسلم بشكل عام وبالتالي هو شايل سلاحه وعمال يدور علي الاعداء عشان يدافع عن دينه والموضوع ده مخلي الناس مزنوقين في الحاجات دي لانها سهلة ..سهل قوي اني اكلم تلاتين بنت في الحجاب واقولهم كل الاحكام الفقهية وارص و اعيد وازيد واعمل واشرح وادافع واهاجم واقول فلان قال وفلان عاد وزاد...سهل عشان كدة كل الناس شغالة في المواضيع دي...سهل..يعني مبيجشي همه...سهل يعني مش سبب رئيسي في اي مشاكل الناس بتعيشها...سهل عشان في النهاية الحجاب هو حتة قماشة علي الشعر...وانا مش بسخر منه ..لاني انا مؤمن ان الحجاب فريضة ...بس انا هنا بناقش الظاهرة..تعالوا بقة معايا نشوف كام واحد من مدافعي الاسلام البواسل الابطال ممكن يكلم شخص واحد في اليوم عن حق العمال والفقراء في مال الاغنياء وفي تغيير الحاكم الظالم وفي الاستقامة في العمل وفي الامانات وفي التضحية بالروح والمال والاهل والوقت من اجل محاربة الطاغوت وكام واحد من الناس دي اللي ممكن ترمي نفسها قدام عربية عشان تدافع عن الحجاب بس محدش ممكن حتي يقدر يفتح بقه يامر الناس بتقوي الله وعدم الخوف من الجائر والاطمئنان الي ان الرزق من عند الله وان قائل كلمة الحق امام الظالم من اعظم الجهاد وان الذي يفقد روحه في سبيل رفع الظلم عن الناس هو سيد الشهداء وليس فقط شهيد وهو يحشر مع حمزة رضوان الله عليه....الناس مستعدة تطلع في مظاهرات الفية عشان مسالة الحجاب في فرنسا ومش حيطلع حتي يمشي سنتي متر واحد في مظاهرة تطالب بحقوق الاطفال اللي بيتم اغتصابهم في الشوارع كل يوم في مصر بسبب الفقر....مجرد ان رشا بتقص موضوع ما عن شئ حصل معاها مجرد قص حكاية ضرب مثال لشئ شافته ..تم تحريك الجحافل....اللي عاوز معركة ويفوز فيها بجد ..معركة ممكن تغير احوال الناس وترد الحقوق ...ياريت ميشخش علي روحه لما عربية البوكس تعدي في الحارة اللي وراه...لان المؤمن لا يخشي الا الله بجد مش بق بتاع صياح وزعيق وشغال يدور علي معارك وهمية ينتصر فيها عشان يروح بيتهم يدلدل رجليه وينام وضميره مرتاح...سبحان الله ...الناس دي بتفكرني بالمسيحيين المتدينيين بتوع امريكا...حاجة تقرف....يطلعوا مظاهرات ضد الاجهاض عشان الاجهاض فيه اعتداء علي حياة انسان متولدشي لسة ..وبعد كدة تقولله وبوش ابن الكلب غزي العراق بالكذب وبسببه بيموت الاف من الناس كل يوم...وهي دي مش حياة برضك؟ تلاقيهم زي الهبل مش فاهمين حاجة...هو ده مرض عالمي واللا ايه يا جدعان؟
Thank you dude, I'm really bugged from all the guys who think that if you criticize the act of one muslim then you are criticizing Islam itself. The fact is, as you said, we are very weak and we choose battles that are easy to win and think that Islam is going to conquer all and forget that islam is not only parying and fasting, it is our own prophet that says "ennama bo3ethto leotammema makarem al a5laq" if I remember correctly. and we now forget about how he treated even his jew neighbor and how he made peace pacts with them and lived amongst them and dealt with them that we can't stand a word from our christian brothers??? how double faced are we??? what image of Islam are we setting for them to see?
To be fair, its not only muslims, everybody is acting the same now in Egypt again as you said because of our opressive regime that treats everybody unfairly. Remember what happened when the movie "ba7eb el seema" came out and how christians themselves attacked it using the same flawed logic our "modafe3een 3an el 7egab" are using right here...
Please people, think... and wake up to the real problem!!!
االجملة الأخيرة تفتقر للموضوعية , كل ما رويتي رأيته آلاف المرات "للأسف" من محجبات و غير محجبات و مسلمات و مسيحيات , دا على المستوى النسائي :) , و شفت أسوأ منه من رجال
ا لمشكلة اني فعلا مش لاقية علاقة بين الحجاب و بين التردي الأخلاقي الا في نقطة أن التدين المنتشر اكتفى بالمظهر دون الأخلاق , لكن الأزمة الأخلاقية لا تقتصر على المحجبات
حاجة أخيرة : أنا مش عارفة اكتب اسمي فين عشان اعلق
BlueRose
يعني دلوقتي خرجنا من قضية التعميم إلى قضية التغليب !
يعني التغليب مفيهوش مشكلة ؟ :)) !
نعكس الصورة : هل حيبقى مقبول كلام واحد بيقولك إن أغلب غير المحجبات غير محترمات ؟
ده أكيد حكم قاصر برضه زيه زي التعميم بالظبط , الفرق إنك في التعميم بتحكم على الفئة كلها لكن في التغليب بتحكم على أغلب الفئة دي لا تستثني منهم إلا القليل , يعني من الأخر برضه بيحكم على فئة كاملة بمشاهدات بسيطة
أكيد كل واحد حر في رأيه , يعمم , يغلب , بس في النهاية بيفضل فيه رأي سريع و ظالم و رأي منصف و حقيقي , و حتى دي فيها أراء برضه
و يجعله عامر , كل سنة و إنتم طيبين
بردو ياعم محمود لو اخدت بالك ان دا تغليب من وجهة نظر اللي بتحكي
انها أغلبية اللي شافتهم لابسين حجاب كدا
ممكن حد شايف ان اغلبية اللي مش محجبات مش كويسين
دي حاجه ترجعله ومتزعلش زي ما ميزعلش الكلام اللي رشا قالته انها شايفه ان اغلبية المحجبات كدا
دا رأي يا اخي ووجهة نظر زعلان ليه ؟
يعني بجد الموضوع مزعج اوي
واغلب اللي رد على الموضوع عندهم مشكله في نظرهم
اولا الموضوع لا يتعدي الحكي مش الحكم
الحكي انتوا فاهمين الحكي ولا هوا مجرد الذعر من اي حد يجيب سيرة الحجاب لازم نجري وندافع عنه حتى لو مجرد حكي عن واقفة حصلت ؟
ثانيا في أخر كلامها قالت الجمله التالية
تأكدت أن معظم المحجبات لابس الحجاب قوي (على دماغهم) من غير ما يفهموا!!
في اللغه العربيه اللي بتدرس للصف الثاني الاعدادي واعتقد ان اغلبيتنا مر على الصف دا بيقولوا ان معظم لا تفيد التعميم لكن تفيد الاغلبيه
يعني هي مقالتش كل قالت معظم
ودا ان ادى دليل فدا دليل على حالة الذعر اللي عندكم من اي كلمة بتيجي حول الحجاب او حتى بتلمسه انتوا محاولتوش تقروا اد محاولتوا تدافعوا او تهاجموا
ودا شئ في حد ذاته بشع جدا ان قدرة المناقشة عند الناس بتتوقف اول ما يلمسوا اي حاجه دينيه
نهاية الرأي انا ميهمنيش فعلا الحجاب ولا يفرق معايا بشئ
بس لما الاقي كمية الذعر دي حتى عند ناس فاكرها بتفهم فدا شئ مأساوي
للاسف يا اخت رشا انتي ربطتي بين حجات كتير من الدين والمجتمع في وقت واحد .هي سلبيات فينا وعايشين فيها بس المفروض ما تتعممش
انتي قولتي في الاول رمضان ما ينفعش نلبس فيه نص كم وشعر وكده يعني انتي عارفه بس للاسف مش هامك . وتفكيرك بيقول ده تخلف ولا ايه مش عارف
انتي بتقولي انك مسامه وبتجيبي مثلا العيب علي اللي لابسين قماش اسود؟
انتي مش ربنا عشان تحاسبي ولا انا ولا اي حد
وكمان انتي بتقولي معظم المحجبات كده وده تجني منك
يعني انا اقدر دلوقت اقول كل اللي سايبين شعرهم...؟
كمان مش مشكلت الناس انك مش لابسه حجاب وانهم عاوزين يكبرو اولادهم علي كده كل طبقه وليها عادتها وكل واحد حر زي ما انتي حره
ومش عاوز احكيلك علي النصاري او المسلمات اللي من غير حجاب لان ده موضوع تاني الدين تعامل مش لبس
فيه شيء بيقول النظره بتفطر الصائم ياريت تعرفي معناه وتعزري الشباب
أنا قلت رمضان مينفعش فيه لبس نص كم والشعر المكشوف .. ده طبعا كان ترييقه ، ومعلش إن ده ماوصلكش ..
انتي بتقولي انك مسامه وبتجيبي مثلا العيب علي اللي لابسين قماش اسود؟
أولا مش انا اللي قلت كدا اللي قالت كدا الست المسيحيه اللي شفتها في المترو وممكن تقرى الموضوع من الاول عشان تفهم
بالنسبة لأن انا ربنا وبحاسب ومحاسبش انا معملتش كدا انا بس حكيت حاجه انا شفتها وانا بركب المترو وقلت تعليقي انا مش فاهمه ليه دا كله وليه الكلام دا انا قصدي واضح اوي ومفهوم
بعدين انت بتقول
يعني انا اقدر دلوقت اقول كل اللي سايبين شعرهم...؟
طيب انا قلت (معظم) انتا لحد دلؤتي مش فاهم الفرق ؟ انت بتقول (كل) دا اللي يتسمى تجني منك مش تجني مني
فيه شيء بيقول النظره بتفطر الصائم ياريت تعرفي معناه وتعزري الشباب
يعني مش فاهمه يعني ايه شئ ؟
دا حديث مثلا ولا قرءان ولا الشئ عندك يعني ايه؟
وبعدين يعني ايه النظره بتفطر صايم ما كل واحد مادام صايم ميبحلقش ويمشي في حاله والسلام مادام النظره بتفطر
زي مالك ماقال انتوا عندكوا ذعر خلاكم متقروش الكلام اصلا كويس
انا معممتش وفي فرق واضح بين التعميم واني انا شايفه ان معظم اللي انا بشوفهم كدا
ممكن يكون في غيري بيشوفوا عينات تانيه معظمها كويسه بس دي مش مشكلتي لاني لو بجد عايزني اعدلك كام مصيبه شفت فيها محجبات بس في المترو خلال الخمس سنين اللي فاتت مش حنخلص
بصي يا رشا ...مع اني مقابلتكيش قبل كدة
بس انا شفت بنفسي الكلام ده ومن غير مبالغة
الموضوع ان الدين كله مزنوق في شوية حاجات
واولهم الحجاب
بمعني ان الدين يمثل 50 في الماية
والحجاب الخمسين في الماية الباقية
في المجتمعلت اللي مظلومة ومش عارفة تنفس
لازم تدور علي مكان تخرج منه غازات الغيظ والقهر
لازم يكون في حد بيتلام وطبعا دول اللي مش محجبات والمسيحين واليهود وكمان ريح الخماسين ...لأ وايه الموضوع حرب ...يعني بدل ما الشخص المظلوم يطلع غضبه في اللي ظالمه يروح حارق مظلوم زيه عشان ده اسهل واقل خطورة...تفتكري واحدة من الستات دول ممكن لو في شغلها مثلا مديرها مرتشي وممكن يقطع عيشها ممكن تقول حرام عليك وتضع ثقتها في الله ان هو الرزاق ومتخفشي علي رزقها؟ طبعا لا ...مع انها حاضرة ميت محاضرة في الخشية من الله والايمان بالقضاء والقدر...بس المؤمن الاهبل اللي مش عارف يغير واقعه محتاج بانجو ومحتاج معركة وهمية ينتصر فيها كل يوم عشا ن يروح البيت ينام ويدلدل رجليه ويقول انا النهاردة عملت حاجة الحمد لله ...صليت الفجر في جماعة وغضيت بصري وزعقت في اتنين مش محجبات ووزعت اتنين سيديهات عمرو خالد وحضرت محاضرة للشيخ الشلنطحي ودعيت عاليهود وشتمت النصاري وحضرت مظاهرة في الجامعة عشان فلسطين وعلقت بوسترين للحجاب علي عواميد النور...الحمد لله اكتمل الايمان والجهاد دايس مية مية ...بصراحة انا شايف ان مافيش فايدة في الناس دلوقتي...واللي عاوز يغير يبدا في مجموعات ضيقة ويتوسع منها وكمان عشر سنين يحلها ربنا ...الموضوع بدري عليه قوي...والصبر الصبر ياللي عاوز تغير
انت شرحت المفيد والخلاصة
انا بجد نفسي افهم, ليه كل غير المحجبات بيحاولوا يطلعوا مليون ألف عيب في الحجاب والمحجبات.. ده هايريحهم نفسيا مثلا؟
أنا مش فاهمه مين قالك اني تعبانه نفسيا انا معنديش ادنى مشكله مع الحجبات اخواتي محجبات وصاحباتي عدد منهم محجبات وعمر دا ماكان مشكله بينا انا بتكلم عن صوره معينه للمحجبات وللأسف هي المنتشره واللي انا بشوفها لاني بركب المترو كل يوم من خمس سنين فدي المناظر اللي بشوفها
للمره الخامسه انا معممتش انا قلت معظم معظم
كيف حالك اختى رشا؟ جميل جدا طرحك لهذا الموضوع كواحد من سلبيات مجتمعنا ..لكن لى تعليق على هذا الموضو