إحنا بتوعك يا ريسby rasha ()ضجة كبيرة ، صخب وازدحام يملأ المكان ، جمل غير مكتملة ، ضحكات بسيطة ، ترقب .. يختفي الصوت تدريجيا ثم هدوء يعم المكان مبارك:لقد تحملت المسئولية بشرف وأمانة طيلة 57 عاما في خدمة الوطن أمضيها في الدفاع عن أرض مصر وأمنها المقدس بين صفوف قواتنا المسلحة ثم نائبا فرئيسا للجمهورية . . خضت حروبا دامية ، واتخذت ولا أزال قرارات صعبة وسط تحولات إقليمية ودولية تفرض تحديات عديدة في علاقاتنا بدول المنطقة وقوى العالم الكبرى ، حافظت على السلام وسط رياح عاتية وأزمات متتالية ، فشهدت مصر أطول فترة في تاريخها الحديث دون حرب ودون احتلال يهدد سيادة الوطن وكرامته . الجمهور ( حسب تصنيف الوطني ) : تصفيق حاد . . كمااااااااااااان يا ريس . مبارك : أطالب الحكومة خلال الـ 24 شهرا القادمة بتدبير تمويل إضافي مقداره 20 مليار جنيه يخصص بالكامل لمشروعات الصرف الصحي ( تمويل طبعا من الخارج بضمان الشعب المصري ، وبرضه التمويل ده يحافظ على استقلالية البلد وسيادته ! ) الجمهور : يا مبارك يا بلاش واحد غيره ما يحكمناش مبارك : يرفع يديه بحركة بطيئة محييا للجماهير ، ثم يستطرد قائلا : سنواصل تنفيذ البرنامج الانتخابي بتعزيز المساندة للأسر الفقيرة ،وإتاحة فرص العمل ، وسنمضى فى تحرير الإقتصاد بعد أن ‘سترد عافيته وإستعاد قدرته على جذب المزيد من الإستثمارات ، وتحقيق معدلات متزايدة للنمو الجمهور:مبارك يا أبهة أيه العظمة دي كلها مبارك: يهتز فى حركة راقصة ، ثم ينتبه فجأة لوجود الجمهور ، فيشير بيده ويقول.. يكفى ياأبنائي ، إن الإصلاحات التى نتحدث عنها تفتح الطريق أمام قانون لمكافحة الإرهاب ، يصبح بديلا تشريعيا لمواجهة مخاطره ، دون الحاجة لإستمرار مكافحته بقانون الطوارىء الجمهور(بتعبيرات بله شديد): يصفق بشدة ويصفر تسدل الستار فى الكواليس.. .. الجمهور(من غير تصنيف حد.. زى ما ربنا خلقه):ده فيه قطار لسه جاى من إسكندرية للقاهرة ولع بالناس اللى راكبينه ياريس، ده غير القطارات اللي فاتت بتاعت قليوب وشبين القناطر وقطار الصعيد فاكره ياريس؟وفاكر العبارات اللي اتقتل فيها قد كده من الشعب الغلبان؟وانت هتفتكر ليه ياراجل هما كانوا من بقية أهلك ، دول درجة تالتة أرواحهم بالمجان يعني..وفاكر الطيارات والناس برضه اللى اتقتلت فيها ، وحوادث الطرق ، وضحايا التعذيب فى أقسام الشرطة ، و محمد السقا طالب إسكندرية اللى اتقتل فى المظاهرات ( اللى انت بتدعمها طبعا رغم إنها ضد نظامك لكن كله يهون علشان الديمقراطية وحرية الرأى والتعبير) والناس اللى إختفت ومحدش يعرف عنهم حاجة ده غير اللي بيموتوا من الجوع طبعا،..آه فيه ناس بتموت من الجوع لو أنت مش عارف .. يا راااجل ده فى ال25 سنة اللي ما حاربناش فيهم اتقتل عندنا أكتر من 200 ألف واحد ، مش كنا حاربنا أحسن والخسارة كانت هتبقى أقل؟! مبارك:صمت! الجمهور:إقتصاد أيه اللي إسترد عافيته ولامؤاخذة؟ أمال مين ده اللي بيطلع فى الروح ؟؟ يا راجل صلي على اللي هيشفع فيك .. ومساندة فقرا أيه اللي بتتكلم عنها ده تلات أرباع الشعب مش لاقي ياكل ، دول بيشتغلوا شحاتين ، والربع الباقي حرامية ، فئة الشرفاء دي مش متأكدين منها قوي..وانت وأولادك صفيتوا البلد وحطيتوها فى جيوبكوا ...آه يا بلد مبارك:صمت!! الجمهور:يا ريس فات سنة على إنتخابك (زى ما بتسميه يعنى) والبرنامج بتاعك أيه اللي حصلوا؟إحنا فيه ناس مننا متخرجة بقى لها 10 سنين و15 سنة و7 سنين و5 سنين ومفيش فرصة عمل توحد ربنا . . لأ ده انت كمان عمال تخصخص وتقعدنا في بيوتنا ، وتخصخص وتقعدنا في بيوتنا ، وبعد كده هنقعد في الشارع لإن مش هيبقى فيه بيوت . مبارك : صمت !!! الجمهور : وبعدين 20 مليار جنيه إيه اللي انت عايزهم علشان الصرف الصحي هي الناس لاقيه تاكل علشان تصرف ! مبارك : صمت !!!! الجمهور : ماهوه ما أنيل من ستي إلا سيدي . . علشان تشيل ألدو (قصدنا) الطوارئ وتجبلنا مكافحة الإرهاب ، يا أخي . . ده انت جبتلنا الضغط والسكر والاكتئاب وكل الأمراض المعروفة واللي مش معروفة بس برضه . . صامدين / طب يسقط يسقط حسني مبارك مبارك : متحمسا . . يسقط يسقط حسني مبارك
|
مش برافو يا رشا.
اسمحي لي ان اعترض علي اسلوبك...لاني حاسس انه معارضة من اجل المعارضة......بدون تحليل.
انا هتكلم عن نقطة واحدة بس من تعليقك....هي الاقتصاد والبطالة وده بسبب تجربتي انا الشخصية......لا يا انستي الاقتصاد تحسن وفعلا بدأ ينمو
اتخرجت سنة 99 فعلا كان في اختناق ولكن اشتغلت ....بصعوبة شوية...أه فهلا بس مش مستحيلة(لاني مش لازم اقعد علي القهوة واقول مفيش شغل...لازم اتحرك)
بعد حوالي سنتين....بدانا نحس انه فيه حركة في الاسواق...في مصانع بدات تفتح تاني بعد ماكانت قفلت....فيه طلبات شغل..في مشاريع ...في شركات عالمية بدات تظهر في السوق ومن جنسيات مختلفة ....فعلا في حركة.....
بعد كده انا وثلاث من زملائي خدنا قرار العمل الحر...بعد ما اكتسبنا بعض الخبرة في عملنا....وعلي فكرة لم يكن لدينا اي راس مال...فقط استثمرنا ما تعلمناه في اربع سنوات من العمل في المصانع....وساعدنا جدا ثورة الاتصالات والانترنت وخليت العالم كله تحت ايدينا نعرف الجديد ونتعلم منه وكمان نتصل بشركات العالم كله ونشتغل معا هم من غير ما نسافر...المهم احنا بعد سنتين من عملنا الحر...بدأنا ندخل لنفسنا دخل ثلاث اضعاف ما كنا نجنيه من الوظيفة.....وما زلنا نكافح ونعمل ونعرق من اجل نجاح افضل
طيب ايه المقصود من كلامي ولو انك هتزعلي ......شوفي
1)لومكنش الراجل ده(الرئيس مبارك) صرف جزء كبير من موارد البلد في تطوير البنية الاساسية للبلد مكنش حضرتك قدرت النهاردة تعرضي رايك علي الدنيا كلها وتشتيمي كمان براحتك.
2)لومكنش قدر يوفر للبلد فترة من الامن والسلام...مكنش النهاردة هيبقي فيه اي حاجة في البلد لاكويسة ولا وحشة
3)هل معني كده انه مفيش سلبيات...با لعكس في سلبيات كتير...فساد..اهمال...سرقة...وحاجات كتير بس برضه في ايجابيات
وكمان ما تنسيش ان احنا مش شايفين الصورة من موقعه......احنا شايفين من ناحيتنا بس وياريت شايفين صح او بتاكد.....يعني بدون زعل...انت النهاردة عندك 22 سنة وبتتكلمي عن سوق العمل والاقتصاد والبطالة.....تقدري تقوليلي ايه هية مصادرك في معلوماتك اللي بناء عليها اخذت قرار انك تشتيمي الراجل ده وتهزئي بيه
هديكي مثال:- أول ما اتخرجت وانا مهندس مفعوص....كنت بتريق علي اصحاب المصانع والمديرين..من قرارتهم اللي مش عاجباني ومش فاهمها ...لما مرت الايام واتحطيت في موقع مسئولية واتخاذ قرار....لقيت الموضوع فعلا مختلف.....
المهم انا عندي كلام كتير اقوله بس مضطر ما اكملش دلوقت.....بس علي وعد اني اكمل بكرة
أذكر خطاب جمال مبارك في أحد الدوائر الإنتخابية اللي بسلامته كان بيلف عليها عشان يدعم مرشحي الحزب الوطني.. كان الجمهور الجعان اللي لابس هدوم مقطعة بيهتفله هتافات أقاكثر من مبتذلة. للأسف ما سجلتش الهتافات فانسيتها, لكني مانسيتش المرارة اللي خنقت حلقي بعد ان طلب منهم بتعالي واحتقار انهم يهتفوا ل"مصر" او "الحزب الوطني" فكرروا نفس الهتافات مع تغيير الإسم. مش قادرة اتعاطف مع المطبلين والمزمرين, حتى المغيبين منهم. كلمة "مغيب" هنا اصلا مش مناسبة لإن الناس كلها, في طول البلد وعرضها عارفين كويس مين اللي سارقهم وقامعهم كويس اوي. بت مقتنعة ان الناس لا ينقصها الوعي أو الذكاء. الناس, فقط, ينقصهم الإيمان بقدرتهم على التغيير وبعض الشجاعة. فعلا يسقط مبارك وآل مبارك..
نصك اكثر من قوي.. تحياتي لك
واحدة
صياغة ساخرة وساحرة لواقع أكثر مدعاة للسخرية
العيب يا عزيزتي ليس في القائد بقدر ما هو عيب في "الجمهور" الذي يسكت ويتفرج.. وربما يصفق
و..كيفما تكونوا يولى عليكم
نص جميل وأسلوب يستحق التحية
الحقيقة ان هنالك امور اكبر من تصورنا لذلك ارى ان نترك القيادة للقادة الزعماء الاشاوس لكي يمصوا ما تبقى منا